1918 წლის 28 მაისს ფოთში მოეწერა ხელი ხელშეკრულებას გერმანიის იმპერიასა და საქართველოს დემოკრატიულ რესპუბლიკას შორის, რომელიც ითვალისწინებდა საქართველოში გერმანული ნაწილების განთავსებას. გერმანელთა გამოჩენამ შეაჩერა თურქების წინსვლა საქართველოს სიღრმეში და ქვეყანას სტაბილური განვითარების დიდი შანსი გაუჩინა. გერმანული ნაწილები განლაგდნენ სტრატეგიულ პუნქტებში და ქვემო ქართლის სამხრეთ ზონაში, საიდანაც ქართულ არმიასთან ერთად განდევნეს თურქები და მათ მიერ წაქეზებული ისლამისტები. მისია დასრულდა 1918 წლის ოქტომბერში და ბოლო გერმანელმა ჯარისკაცმა დატოვა საქართველო 1918 წლის დეკემბერში.
სამხედრო მისიას ხელმძღვანელობდა გენერალ-მაიორი ფრიდრიხ ფრაიჰერ კრეს ფონ კრესენშტაინი. საქართველოში შემდეგი ქვედანაყოფები შემოვიდნენ:

ქვეითი
29-ე ბავარიის სამეფოს ქვეითი პოლკის ორი ბატალიონი (N7 და N9 ქვეითი ბატ.)
15-ე ბავარიის სამეფოს ქვეითი პოლკი (N1 ქვეითი ბატ. და რკინიგზის დაცვის ბატ.)
მოიერიშეთა X ბატალიონი
მეტყვიამფრქვევეთა ასეული (12 ტყვიამფრქვევი)
ნაღმმტყორცნელების ასეული (8 ნაღმმტყორცნელი)
გარნიზონის ასეული (ყოფილი გერმანელი ტყვეები)

კავალერია
ბავარიის VII ცხენოსანი ბრიგადა
ბავარიის V მსუბუქი ცხენოსანი პოლკი
ბავარიის IV მსუბუქი ცხენოსანი პოლკი

სხვა დანაყოფები
ნაღღმტყორცნელების 176-ე ცალკეული ასეული
სარეზერვო 65-ე საველე საარტილერიო პოლკის II ბატალიონი
დაჯავშნული მანქანების რაზმი (10-ზე მეტი მანქანა)
28-ე საავიაციო რაზმი
1750-ე მეკავშირეთა რაზმი

ჯამში: 3.000-ზე მეტი ოფიცერი და ჯარისკაცი.

ფოტოები გადაღებულია გერმანელების მიერ 1918 წელს: