როგორ ავირიდოთ თავიდან მეხის დარტყმა? მარტივი წესების დაცვა აგაცილებთ ამ სასიკვდილო საფრთხეს
⏩ ქარიშხალს ხშირად წინ უსწრებს ჭექა-ქუხილი. ამ დროს იწყება ელვა, რაც საფრთხეს უქმნის ადამიანის სიცოცხლეს. ელვა საშიშია როცა თან ახლავს ჭექა-ქუხილი და ამ დროს შეიძლება ჩვენს სიხლოვეში დამიწდეს (“მეხის დაცემა”). პარალელურად ძლიერდება ქარი, შეიძლება დაიწყოს სეტყვა და ხევებში მოსალოდნელია წყლის სწრაფი მოვარდნა.
⏰ მანძილის გამოთვლა. ელვას თან ახლავს ძლიერი ნათება და ხმაური. ვიცით რომ, სინათლის სიჩაქრეა 300.000 კმ/წამში და ამ მიზეზის გამო ვხედავთ დაუყოვნებლივ. ხმა ვრცელდება ნელა, დაახლ. 340 მ/წამში სიჩქარით. ეს საშუალებას გვაძლევს გამოვთვალოთ დაშორება ჩვენსა და ელვის წყაროს შორის. მაგალითად: თუ გაელვებიდან ქუხილამდე გავიდა 10 წამი, დაშორება დაახლოებით 3.400 მეტრია (340 მ/წ х 10 წ).
თუ მომდევნო გაელვებისას ხმის დაყოვნება იზრდება (მაგ.: გახდა 15 წამი) ე.ი. ჭექა-ქუხილი გვშორდება, თუ პირიქითაა (მაგ.: 5 წამი, ანუ 1.700 მ) ე.ი. გვიახლოვდება.
გაითვალისწინეთ რომ ელვის საშუალო სიგრძე 2-3 კილომეტრია, ანუ არაა აუცილებელი წვიმაში ჩამოვარდეს. წვიმის გარეთაც შეუძლია დამიწება.
🔺 უსაფრთხოება ღია ადგილას
✷ მოშორდით ცალკე მდგომ ობიექტს 200 მეტრით (მაგ.: მაღალი ხე, ან გადამცემი ბოძი), რადგან მასზე მიზიდული ელვა შეიძლება თქვენსკენ წამოვიდეს
✷ არ დაწვეთ მიწაზე, მონახეთ ჩაღრმავება, ჩამოჯექით ემბრიონის პოზაში და დაიფარეთ ყურები
✷ შეწყვიტეთ სიარული, არ დადგეთ სრული სიმაღლით
✷ არ ახვიდეთ შემაღლებულ ადგილას
✷ არ შეჯგუფდეთ, დაშორდით ერთმანეთს 15-30 მეტრით
✷ მოიშორეთ მეტალის კარკასიანი ზურგჩანთა 30 მეტრით
🔺 უსაფრთხოება ტყეში
✷ 4-5 მეტრით მოშორდით მაღალ ხეს, რადგან ელვა ღეროს დაუყვება და ტოტებსაც ამტვრევს
✷ შეეფარეთ ბუჩქნარს, ან დაბალ ხეს, რომელიც გამოკვეთილი არაა სხვების ფონზე
✷ ჩააქრეთ კოცონი (კვამლმა შეიძლება მიიზიდოს ელვა)
✷ არ მიეკაროთ ხის ღეროს!
✷ ჩადით მთის თხემიდან
✷ მეხის 54% მოდის მუხაზე, 24% ვერხვზე და 10% ნაძვზე. მოერიდეთ ამ ხეებს
✷ ძლიერმა ქარმა შეიძლება წააქციოს გამხმარი ხე
✷ არ გაკაროთ არეში ყველაზე მაღალ ხეს
🔺 უსაფრთხოება წყალთან
✷ მოშორდით ტბას, ან მდინარეს 100 მეტრით
✷ ამოდით წყლიდან და არ შეეფაროთ ნაპირზე არსებულ მეჩხერი ტყის ხეს
🔺 რა “იზიდავს” ელვას?
✷ სველი ტანსაცმელი (ელვა წვიმის გარეთაც მიწდება)
✷ ჩართული ანტენიანი მობილური, ან რაცია
✷ ველოსიპედი
✷ ქოლგა
✷ მეტალის ინსტრუმენტები, ან იარაღი
🚩 ძალიან იშვიათად წამოიქმნება ე.წ. “მრგვალი ელვა”. თუ მას დაინახავთ, არ შეშინდეთ და არ გაიქცეთ. გაუნძრევლად დარჩით და 1,5-2 წუთში თვისით გაქრება
⏩ სტატისტიკა და საინტერესო მონაცემები
✷ ელვის სიმძლავრე 100.000.000 ვოლტია. საყოფაცხოვრებო ქსელი 220 ვოლტი
✷ ელვის ტემპერატურა +30,000 C შეადგენს
✷ ელვის 70% მსხვერპლი კაცია
მონაცემების წყარო: აშშ-ს, კანადის და რუსეთის საგანგებო სიტუაციების სამსახურები
