(სამოქალაქო ნაციონალიზმზე დაფუძნებული მსოფლმხედველობითი დოკუმენტი)
ჩვენ საქართველოს შვილები ვართ – ერი, რომელიც საუკუნეების განმავლობაში იბრძოდა თავისუფლე-ბის, ღირსების და ეროვნული იდენტობის შესანარჩუნებლად. ჩვენი მიზანია დამოუკიდებელი, ძლიერი, სამართლიანი და ერთიანი საქართველო, სადაც თითოეული მოქალაქე – მიუხედავად წარმომავლობისა, საერთო ღირებულებებსა და იდეალებზე დაყრდნობით, ერთად ქმნის ჩვენი ქვეყნის მომავალს.
გენერალ მაზნიაშვილის ლეგიონი არის სამოქალაქო და პატრიოტული მოძრაობა, რომელიც ემსახურება ქვეყნის თავდაცვისუნარიანობის ამაღლებას, ეროვნული კულტურის შენარჩუნებას, სამოქალაქო პასუხისმგებლობის გაძლიერებასა და ეროვნული იდეალების დაცვას.
II. ჩვენი პრინციპები 
ეროვნული ერთობა და მოქალაქეობრივი იდენტობასაქართველო ერთი და განუყოფელია. ეროვნული ერთობა არ განისაზღვრება მხოლოდ ეთნიკური წარმომავლობით, არამედ საერთო ღირებულებებით, პატრიოტიზმითა და ქვეყნის მიმართ ერთგუ-ლებით.
ჩვენ უარვყოფთ დაყოფას ეთნიკური, რელიგიური თუ სოციალური ნიშნით.
ჩვენი იდენტობა ეფუძნება ქართულ ენას, კულტურას, ისტორიას და ყველასთვის საერთო ეროვნულ მიზნებს.
მოქალაქეობა პასუხისმგებლობაა – ქვეყნის სამსახური თითოეული მოქალაქის ვალია.
თავდაცვა და ეროვნული უსაფრთხოებაეროვნული უსაფრთხოება მხოლოდ სამხედრო საკითხი არ არის – ის მოიცავს ფიზიკურ, საინფორმაციო და ეკონომიკურ თავდაცვას.
ჩვენ ვამზადებთ ახალგაზრდებს თავდაცვის ძალებთან მჭიდრო თანამშრომლობით და სამოქალაქო დაცვის მიმართულებით.
ჩვენ ვამაგრებთ საინფორმაციო ფრონტს – ვებრძვით სახელმწიფოს წინააღმდეგ მიმართულ პროპაგანდას და დეზინფორმაციას.
ჩვენ ვცხოვრობთ პრინციპით: „თუ გინდა მშვიდობა – ემზადე ომისთვის“.
ქართული კულტურის დაცვა და განვითარებაჩვენი წარსული ჩვენი ფუნდამენტია, თუმცა მომავალი ერის განვითარებასა და თანამედროვე გარემო-სთან ადაპტაციის უნარზეა დამოკიდებული.
ჩვენ ვუფრთხილდებით ქართულ ენას, ტრადიციებსა და ისტორიულ მემკვიდრეობას.
ჩვენ უარვყოფთ წარსულის ბრმად გაღმერთებას – ტრადიციები უნდა ვითარდებოდეს, რათა შეესაბამებოდეს თანამედროვეობის გამოწვევებს.
სამოქალაქო აქტივიზმი და პასუხისმგებლობაჩვენი ქვეყანა ხალხმა უნდა ააშენოს – ხალხისთვის. მოქალაქე არ უნდა იყოს პასიური დამკვირვებელი, არამედ აქტიური მონაწილე.
ჩვენ ვზრდით ლიდერებს, რომლებიც ემსახურებიან სამშობლოს და არა პირად ინტერესებს.
ჩვენ ვასწავლით თვითორგანიზებას – პრობლემების გადაჭრის უნარებს, კრიზისულ სიტუაციებში მოქმედებასა და სხვადასხვა თემებში აქტიურ ჩართულობას.
ჩვენ არ ველოდებით, რომ ვინმე რამეს მოგვიგვარებს – ჩვენ თავად ვქმნით ცვლილებებს
ეროვნული ინტერესები და გლობალური ხედვასაქართველო უნდა იყოს ძლიერი და დამოუკიდებელი, მაგრამ ასევე ინტეგრირებული თანამედროვე სამყაროში.
ჩვენ ვიცავთ ეროვნულ სუვერენიტეტს და ჩვენს ფასეულობებს.
ჩვენ ვსწავლობთ მოწინავე ტექნოლოგიებსა და სტრატეგიებს, რათა სახელმწიფოს განვითარებას შევუწყოთ ხელი.
ჩვენ ვამყარებთ საერთაშორისო კავშირებს, რომლებიც აძლიერებენ ქვეყნისა და ეროვნული ინტერესებს და არ იწვევს მათ დასუსტებას
III. ჩვენი მიზანი და ხედვაჩვენი მიზანია ახალი თაობის აღზრდა, რომელიც იქნება ძლიერი, განათლებული, პრინციპული და ეფექტური მოქმედებაში.
ჩვენი ხედვაა საქართველო, რომელიც ეფუძნება ეროვნულ იდეალებს, ფესვგადგმულია წინაპრების მემკვიდრეობაში, თუმცა თანადროულად ვითარდება და ნაბიჯს უწყობს თანამედროვე სამყაროს
IV. ჩვენი მოქმედებებიჩვენი მსოფლმხედველობა მხოლოდ სიტყვები არ არის – ჩვენ მას კონკრეტული ქმედებებით ვახორციელებთ:
– სპეციალური მომზადება – ტაქტიკური წვრთნები, თვითგადარჩენის უნარების სწავლება და სხვადასხვა თემატიკის კურსები თავდაცვის სფროსა და უსაფრთხოებაში.
– ისტორიულ-კულტურული ექსპედიციები – საველე გასვლები ჩვენი ერისთვის მნიშვნელოვან ადგილებში და მემკვიდრეობის გაცოცხლება.
– სამოქალაქო განათლება – ლიდერობის ტრენინგები, დისკუსიები და ეროვნული ცნობიერების გაძლიერება.
– საინფორმაციო ბრძოლა – პროპაგანდის, მტრული ნარატივების, კულტურული დეგრადაციის და რადიკალური იდეების წინააღმდეგ ბრძოლა.
– ეკონომიკური დამოუკიდებლობა – ქართული წარმოების, ბიზნესის და ინოვაციების მხარდაჭერა.
ჩვენ არ ვსაუბრობთ იდეებზე – ჩვენ ვცვლით საცხოვრებელ გარემოს!
V. დასკვნაჩვენ არ ვართ უბრალოდ ორგანიზაცია – ჩვენ ვართ მოძრაობა. ჩვენი მიზანი არ არის პოლიტიკაში ჩარევა, არამედ ზეპარტიული, მუდმივი ეროვნული ინტერესების დაცვა. ჩვენი ძალა მხოლოდ წარსულში არ არის – ის მომავალშია, რომელსაც თავად ვქმნით აწმყოში ბრძოლით.
ჩვენ არ ვართ მაყურებლები – ჩვენ ვართ მოქმედნი. ჩვენ ვართ ლეგიონი! ჩვენ ვართ საქართველოს მომავალი!
ვგუშაგობთ ერს! მარად!
