ჩვენ შესახებ

თავდაცვის სამინისტროს სსიპ “თავდაცვის მოხალისესთან” მჭიდრო თანამშრომლობით ერთობლივი მიზნების რეალიზება. ამ ეტაპზე ზუსტდება ლეგიონის ამოცანები და მოხალისეთა გამოყენების კონკრეტული სფეროები. ამ სსიპ-ის შექმნა შექმნა ჯერ კიდევ 2007 წლის ხედვაში გვქონდა.

2026-2027 წლები თავდაცვის სამინისტროსთან და ძალებთან განსაკუთრებული ერთობლივი მუშაობის წლები იქნება, რომელმაც მყარი საფუძველი უნდა ჩაუყაროს მოხალისის სტატუსის მქონე ლეგიონერების ინტეგრაციას ქვეყნის თავდაცვაში.

გამგეობა შედგება 9 წევრისგან. ლეგიონის მეთაურია გიორგი რაზმაძე, მოადგილეები: პაატა გიგაური და დავით ნარტყოშვილი.

ლეგიონი შედგება 5 მიმართულებისგან, რომლებსაც ექვემდებარებიან შესაბამისი განყოფილებები. ამ სქემაში ნაჩვენებია ჩვენი წყობის ძალიან ზოგადი მონახაზი

რუსეთის იმპერიის დაშლისას, 1917 წელს „ქართველ მხედართა კავშირში“ დაარსდა ტანვარჯიშის ორგანიზაცია „ამირანი“, რომელსაც ოფიცრები ედგნენ სათავეში. 1918 წლის 25 აგვისტოს დაფუძნდა ახალგაზრდების ფიზიკური და სულიერი განვითარების ორგანიზაცია: „ქართული ტან-ვარჯიშობის საზოგადოება შევარდენი“, სადაც გაერთიანდა „ამირანი“. “შევარდენის” ასეულობით წევრი აქტიურად მონაწილეობდა საქართველოს დასაცავად წარმოებულ ომებში. 1922 წელს ოკუპანტებმა აპოლიტიკური შევარდენი დაშალეს, როგორც “ნაციონალისტური და მავნებლური” ორგანიზაცია.

2007 წლის 11 მაისს პაატა გიგაურმა და გიორგი რაზმაძემ დაიწყეს ევროპული ტიპის და “შევარდენის” იდეალებზე დაფუძნებული მოხალისეთა ორგანიზაციის ფორმირება (სამუშაო სახელი: “ახალგაზრდული მოძრაობა დიდგორი”). გაიწერა ხედვა, მიზნები და გეგმა. ხედვის რეალიზების მიზნით, 2008 წელს ოფიციალურად დაარსდა ორგანიზაცია “აისი”, თუმცა სამწუხაროდ, პირვანდელი ხედვის შეცვლის გამო დამფუძნებლები 2010-11 წლებში გავიდნენ ორგანიზაციიდან.

2013 წელს დავუბრუნდით 2007 წლის ხედვას და 22 სექტემბერს დავაარსეთ “გენერალ მაზნიაშვილის სახ. ახალგაზრდული ლეგიონი”, ხოლო 2014 წლის გაზაფხულზე ჩავატარეთ პირველი საბაზისო კურსი. ამ დროის განმავლობაში სხვადასხვა კურსებზე მომზადებულია ათასობით მოქალაქე, ხოლო წევრების რაოდენობა 2026 წლის ბოლოს 2.500-ს გადაცდა. ლეგიონი არის მოხალისეთა სფეროს გამწევი და ლიდერი ორგანიზაცია.

ჩვენი ფარის ფორმის ემბლემა გამოხატავს ქართველი ერის ინტერესების დაცვას, შინდისფერი წინაპართა დაღვრილ სისხლს, შავი მსხვერპლს, ხოლო ოქროსფერი კანტი ლეგიონის იდეის გამარჯვებას. ემბლემის ცენტრში განთავსებულია XII საუკუნის ქვათახევის მონასტრის სტილიზებული ორნამენტი.

ლეგიონის დროშა შინდისფერი მართხკუთხედია, რომელზეც გამოსახულია შავკანტშემოვლებული თეთრი ჯვარი ცენტრში ლეგიონის ემბლემით. დროშა აკურთხა მამა ზურა ცხოვრებაძემ, 1923 წლის 21 მაისს, ვაკის პარკში დახვერტილი „დამოუკიდებლობის კომიტეტის სამხედრო ცენტრის“ 15 ოფიცრის და ჯარისკაცის მოწამეობრივი აღსასრულის ადგილას.

ლეგიონი მჭიდროდ თანამშრობლობს თავდაცვის სამინისტროსთან, საპატრიარქოსთან, პარლამენტთან, მერიებთან და მუნიციპალიტეტებთან, განათლების სამინისტროს სსიპ ახალგაზრდობის სააგენტოსთან და ბოტანიკურ ბაღთან.